SHARE

 

Shtigjeve e brigjeve nëpër erë
Fillikat e kam kërkuar
Ngrirë në dimër pjekur në verë
Dashurinë e munguar

E kam kërkuar nëpër det
Dallgësh vetëm-pa njeri
Thyer tretur nëpër botë
Të munguarën dashuri

E kam gjetur në vegime
E në shpirt të trazuar
Dhe në furtuna t’jetës sime
Dashurinë e munguar

Dashuria po më fliste
Ndër stuhi të jetës sime
Erë e valë trupin griste
Valë në dhembje e rënkime

Shitgjeve e brigjeve nëpër erë
Fillikat e kam kërkuar
Ngrirë në dimër pjekur në verë
Dashurinë e munguar

– Kastriot Berisha