SHARE

Nanë, retrospekivë e fjalës teme t’par
n’ninullat tuja fjeta gjumë
T’i përkëdhel thinjat nanë mbulu me ar
Ti puth durt nanë që m’rriten me mund

Zani jot ma i ambli n’botë
Si melodi e bukur më vjen në vesh
N’kët’ botë erdha tu kja, nanë
E jeta me ty m’shkoi tu qesh!

Emni jot sa i madh asht
Vepra jote fushë e gjelbër me lule e bar
Ti je shembull i perfeksionit
Retrospektiv e dashnis teme t’par

Je besnikja ma e madhe
Je dashnia që s’ka fund
M’msove si me dasht jetën
M’msove prej saj mos me u lëkund

Borxhi jot nanë kurrë nuk kthehet
Shpresoj nji dit t’krenohesh me mu
T’i puth nanë rrudhat e ballit
T’i përkëdhel thinjat me ar mbulu!

© |Donato Brunga|